माजलगाव मधून रमेश आडसकर यांची उमेदवारी निश्चित झाली असून शुक्रवारी ते Spend येथे सकाळी 9 वाजता ते राष्ट्रवादी काँग्रेस(शरद पवार) मध्ये प्रवेश करणार आहेत, यशवंतराव चव्हाण प्रतिष्ठान वर प्रवेश सोहळा संपन्न होताच त्यांना विधानसभेचा एबी फॉर्म देण्यात येईल अशी माहिती सूत्रांनी दिली आहे .
माजलगावात विद्यमान आमदार प्रकाश सोळंके विरुद्ध रमेश आडसकर अशी लढत होण्याची शक्यता आहे त्यातच राष्ट्रवादी काँग्रेसच्या अजित पवार गटातून माधवराव निर्मळ यांनी राजीनामा दिला असून तेही माजलगाव मतदार संघातून अपक्ष म्हणून उभे राहण्याच्या तयारीत आहेत
माजलगाव मतदार संघातून राष्ट्रवादी काँग्रेस (शरद पवार) यांची उमेदवारी कोणाला मिळते याकडे राजकीय विश्लेषकांचे लक्ष लागले होते ,ही जागा महायुतीत अजित पवार यांच्या राष्ट्रवादी काँग्रेसला सुटल्यामुळे येथून भाजपाकडून इच्छुक असणाऱ्या उमेदवारांमध्ये अस्वस्थता निर्माण झाली होती ,या पार्श्वभूमीवर बीड जिल्ह्यातील मोठे राजकीय प्रस्थ असणाऱ्या रमेश आडसकर यांनी राष्ट्रवादी काँग्रेसच्या शरद पवार गटात प्रवेश घेण्याचा निर्णय घेतला आता त्यांची उमेदवारी निश्चित झाल्याचे सूत्रांनी सांगितले आहे, शुक्रवारी प्रवेश केल्यानंतर लगेच त्यांना एबी फॉर्म ही दिला जाणार आहे, ही लढत तुल्यबळ होण्याची शक्यता आहे त्यातच विद्यमान आमदार प्रकाश सोळंके यांनी मध्यंतरी आपण आता निवडणुकीच्या रिंगणात उतरणारा उतरणार नसून आपला पुतण्या जयसिंह सोळंके हा उमेदवार असेल असे जाहीर केले होते, मात्र आता त्यांनी स्वतःच उमेदवारी मिळवली असल्यामुळे त्यांच्या समर्थकातही संभ्रम निर्माण झालेला आहे.
