भाजपाने आष्टी पाटोदा विधानसभा मतदारसंघ राष्ट्रवादी काँग्रेस कडून सोडवून घेतला असून येथे भाजपा तर्फे विद्यमान आमदार सुरेश धस यांना उमेदवारी दिली आहे.
बीड जिल्ह्यातील आष्टी विधानसभा मतदारसंघ हा सध्या अजित पवारांच्या राष्ट्रवादी काँग्रेसच्या ताब्यात आहे ,येथील आमदार बाळासाहेब आजबे यांनी मध्यंतरीच्या सत्तांतरात अजित पवारांसोबत जाण्याचा निर्णय घेतला होता ही जागा राष्ट्रवादीला सुटेल अशी त्यांची अपेक्षा होती मात्र गेवराई ची जागा भाजपाने अजितदादांच्या राष्ट्रवादीला सोडली तर त्या बदल्यात आष्टीची जागा भाजपाने आपल्याकडे घेत आमदार सुरेश धस यांचे नाव आज घोषित केलेल्या यादीत जाहीर केले आहे. या पार्श्वभूमीवर आता विद्यमान आमदार बाळासाहेब आजबे काय निर्णय घेतात याकडे या मतदारसंघाचे लक्ष लागले आहे.आता अष्टीत राष्ट्रवादी (शरद पवार)चे महेबूब शेख विरुद्ध सुरेश धस यांच्यात लढत होत आहे .
