बीड पोलीस अधीक्षक नवनीत कावात यांनी जारी केले क्यू आर कोड.आता तक्रार दाखल करण्यासाठी पोलीस स्टेशनमध्ये जाण्याची गरज नाही. तुम्ही घरी बसूनच तक्रार दाखल करू शकता फक्त किंवा आर कोड स्कॅन करण्याची गरज. फक्त तक्रारच नव्हे तर कोणत्याही पोलीस स्टेशन किंवा कुठे काही घडत असल्यास फीडबॅक ही या क्यूआर कोड माध्यमातून देऊ शकतात. कृपया करून हा क्यू आर कोड शेअर करा आणि सेव्ह करून ठेवा भविष्यात काम येईल.असे आवाहन देखील करण्यात आले आहे.
कोणत्याही पोलीस ठाण्यात तक्रादारालाच वाईट अनुभव येत असल्याच्या तक्रारी केल्या जातात,फिर्यादीलाच आरोपीसारखी अपमानास्पद वागणूक दिल्याच्याही तक्रारींचे मोठे प्रमाण असते असे दिसून आले आहे,बरेचदा लीडर मंडळीला सोबत नेले तरच तक्रार दाखल होते ,हे सारे लक्षात घेऊन बीड पोलिसांनी क्यू आर कोड जारी केला असावा.या व्यवस्थेचा वापर करून केलेल्या तक्रारीचा निपटारा पण वेळेत व्हावा अशी अपेक्षा नागरिकांकडून व्यक्त केली जात असून हे नवे तंत्रज्ञान पोलीस अधीक्षक नवनीत कॉवत यांनी अंमलात आणल्याबद्दल त्यांचेही अभिनंदन केले जात आहे.
