बीड (प्रतिनिधी) आ.संदीप क्षीरसागर म्हणजे कसोटीच्या काळात स्वत:ला सिध्द करुन पुढे आलेले सर्वमान्य नेतृत्व असल्याचे पक्षाचे नेतेही मान्य करतात,मतदारसंघातील सर्वांसोबत असलेले आपुलकीचे नाते हीच त्यांची खरी राजकीय ताकद ठरली आहे म्हणूनच मतदारसंघातील जनतेने आपला हक्काचा लोकप्रतिनिधी संबोधले आहे. पुन्हा एकदा संदीप क्षीरसागर यांना आपला लोकप्रतिनिधी म्हणून निवडून देण्यासाठी अनुक्रमांक ३, तुतारी वाजवणारा माणूस या चिन्हासमोरील बटन दाबून प्रचंड मतांनी विजयी करा असे आवाहन राष्ट्रवादी काँग्रेस (शरदचंद्रजी पवार) पक्षाचे ऍड.दीपक कुलकर्णी यांनी केले आहे.
एका पत्रकाद्वारे ऍड.दीपक कुलकर्णी यांनी म्हंटले आहे की, आ. संदीप क्षीरसागर यांचे बीड मतदारसंघातील सर्वांसोबत असलेले आपुलकीचे नाते हीच त्यांची खरी राजकीय ताकद आहे. विकासकामांसाठी कायम आग्रही असलेल्या या नेतृत्वाला बीडमधून संधी मिळावी हीच भावना कार्यकर्ते अन् जनतेची असून सुज्ञ मतदारांनी पुन्हा एकदा संदीप क्षीरसागर यांना निवडून देण्याचे आवाहन ऍड.दीपक कुलकर्णी यांनी मतदारांना केले आहे. मागील पाच वर्ष मतदारसंघाचा आमदार म्हणून जनसेवा करताना अनेक योजना मार्गी लावल्यानंतर आणि विरोधकांकडून बिनबुडाचे आरोप झाल्यानंतरही आ.संदीप क्षीरसागर यांनी त्यांना उत्तर दिले नाही. बीड मतदारसंघातील जनता हे सर्व जाणून आहे असेही दीपक कुलकर्णी यांनी पत्रकात म्हटले आहे.
