बीड (प्रतिनिधी):- बीड मतदार संघाच्या विकासासाठी मागील ५ वर्षापासून लोकप्रतिनिधी या नात्याने कामे करत असताना सर्वसामान्य, वंचित, उपेक्षित घटकांना न्याय देण्याचे काम आ.संदीप क्षीरसागर यांनी केले. शासनाच्या विविध योजना मतदार संघातील जनतेपर्यंत पोहोचवण्यासाठी सातत्याने पाठपुरावा केला. गरिबांना घरकुले मिळावीत गावातील अंतर्गत रस्ते, पाणंद रस्ते यासह विविध विकास कामे पूर्णत्वास नेण्यासाठी अहोरात्र मेहनत घेतली. मात्र आता विधानसभा निवडणुकीत राजकीय विरोधक त्यांना एकटे पाडण्याचा प्रयत्न करू पाहत आहेत.अशावेळी तुम्ही सर्व बंधू-भगिणी आ.संदीप भैयांच्या पाठीशी खंबीरपणे उभा राहिला आहात. तुमचे हे प्रेम आणि आपुलकीपुढे मी नतमस्तक होते असे सांगत सौ.नेहाताई संदीप क्षीरसागर कुटेवाडी येथील प्रचार सभेत बोलताना मतदारांपुढे भावूक झाल्या तर आमच्या जावयाला आम्ही एकटे राहू देणार नाही. आम्ही कायम संदीप भैय्यांच्या पाठीशी खंबीरपणे उभा आहोत अशी ग्वाही राष्ट्रवादी काँग्रेसचे नेते राजेंद्र मस्के, शिवसेना जिल्हाप्रमुख गणेश वरेकर व गोरख सिंघण यांनी दिली.
राष्ट्रवादी काँग्रेस (शरदचंद्र पवार) पक्ष आणि महाविकास आघाडीचे बीड विधानसभा मतदार संघाचे लोकप्रिय उमेदवार आ.संदीप क्षीरसागर यांनी संपूर्ण मतदार संघ पिंजून काढला आहे. जनतेनेचे निवडणूक हाती घेतल्याने संदीपभैय्यांचा विजय निश्चित झाला आहे.आ.संदीप क्षीरसागरांनी केलेली विकासकामे आणि जनतेशी असलेल्या थेट संपर्कामुळे विरोधकांचे अवसान गळाले असून मतदारसंघातील गावोगावी आता ‘गावोगावी एकच नारा, संदीपभैय्या सबसे न्यारा’ अशा घोषणा देवून जोरदार प्रचार केला जात आहे. रविवारी मतदारसंघातील कुटेवाडी येथे नेहा ताई संदीप क्षीरसागर यांच्या उपस्थितीत प्रचार सभा झाली. यावेळी त्यांनी सर्व मतदार बंधू-भगिनींनी येत्या २० नोव्हेंबरला तुतारी वाजवणारा माणूस चिन्हासमोरील बटन दाबून बहुमतांनी विजयी करण्याचे आवाहन केलेे.
तर सर्वांना सोबत घेवून प्रत्येकाशी सौजन्याने राहणारे नेतृत्व पुन्हा बीडकरांना हवे आहे.त्यासाठीच बीड मतदार संघाचे राष्ट्रवादी काँग्रेस (शरदचंद्र पवार) पक्ष, महाविकास आघाडी व मित्रपक्षाचे अधिकृत उमेदवार संदीप क्षीरसागर यांना पुन्हा एकदा यंदा विधानसभेत विजयी करण्याचा निर्धार मतदारांनी केला असून आ.संदीप क्षीरसागर यांनी मागील पाच वर्षात बीड मतदार संघात केलेली विकासकामांची पावती म्हणून आपणही सर्वांनी आपले मत त्यांना द्यावे. असे आवाहन महाविकास आघाडीतील घटकपक्ष तथा शिवसेना (उध्दव बाळासाहेब ठाकरे) पक्षाचे जिल्हाध्यक्ष गणेश वरेकर यांच्यासह राष्ट्रवादी काँग्रेसचे नेते राजेंद्र मस्के व गोरख सिंघण यांनी केले. या प्रचार सभेला मतदारांचा मोठा प्रतिसाद मिळाला.
महाविकास आघाडीतील घटक पक्ष असणारे शिवसेना (उद्धव बाळासाहेब ठाकरे) पक्षाचे जिल्हाप्रमुख गणेश वरेकर यांच्या वतीने कुटेवाडी येथे जाहीर सभेचे आयोजन करण्यात आले होते.यावेळी आ.संदीप क्षीरसागर, सौ.नेहाताई क्षीरसागर, माजी आ. सय्यद सलीम, राजेंद्र मस्के, सौ.वरेकर ताई या सर्वांचे कुटेवाडी येथील ग्रामस्थ, माता भगिनीं व शिवसेना (उद्धव बाळासाहेब ठाकरे) पक्षाच्या कार्यकर्त्यांनी जोरदार स्वागत केले.दरम्यान आ.संदीप क्षीरसागर यांनी शिवसेना (उद्धव बाळासाहेब ठाकरे) पक्षाचे सर्व पदाधिकारी, शिवसैनिक यांचे आभार व्यक्त करत येणाऱ्या २० नोव्हेंबरला आपण भरघोस मतांनी विजयी करावे असे आवाहन केले.
