गेवराई( प्रतिनिधित्व)
जेंव्हा जेंव्हा माझ्या लोकांवर वेळ आली त्या त्या वेळेला मी रस्त्यावर आलो, लोकांच्या हितासाठी संघर्ष केला. दुष्काळात जनता होरपळत होती, तेंव्हा सरकार दरबारी भांडून पाणी आणले. हे माझे काम आहे आणि केले. विरोधकांनी काय केले हे त्यांना विचारुन गेल्या दहा वर्षांचा हिशोब मागा आणि मला भविष्यात या तालुक्याचा चेहरा मोहरा बदलण्यासाठी संधी द्या. महायुतीचे उमेदवार विजयसिंह पंडित यांना विजयी करुन मला बळ द्या असे आवाहन राष्ट्रवादी काँग्रेस पक्षाचे प्रदेश सरचिटणीस अमरसिंह पंडित यांनी केले.
गेवराई विधानसभा मतदारसंघातील महायुतीचे अधिकृत उमेदवार विजयसिंह विजयसिंह पंडित यांच्या प्रचारार्थ राष्ट्रवादी काँग्रेस पक्षाचे प्रदेश सरचिटणीस अमरसिंह पंडित यांनी चकलंबा सर्कलचा प्रचार दौरा करून येथील शेळके वस्ती, सोनवणे वस्ती, निंबाळकर वस्ती, बाभुळगाव तांडा व विविध ठिकाणी मतदाराशी संवाद साधला. यावेळी बोलताना ते म्हणाले की, अडचणीच्या काळात जो आपल्या मदतीला येतो तोच आपला खरा नेता. शिवछत्र परिवार लोकांच्या अडचणीच्या काळात कायम लोकांसोबत राहिला. माझ्या तालुक्यातील जो कोणी अडचणीत येईल त्याच्यासाठी मी कायम त्याच्या पाठीशी खंबीरपणे उभा राहिलो. कोरोना सारख्या कठीण काळात आपण लोकांना धीर दिला त्यामुळे आज लोका आपल्या भोवती आहेत. विरोधक आज संभ्रम निर्माण करतील. आपल्या भावनाना हात घालतील. भुलथापा मारतील. अशा परिस्थितीमध्ये आपल्या कामाचा माणूस कोण याचा विचार करून गेवराई तालुक्याच्या उद्याच्या भवितव्यासाठी महायुतीचे उमेदवार विजयसिंह पंडित यांना मतदान रुपी आशीर्वाद देऊन विक्रमी मतांनी विजयी करावे असे आवाहन त्यांनी यावेळी केले
अमरसिंह पंडित यांनी चकलांबा सर्कलचा झंजावाती प्रचार दौरा केला ठिकठिकाणी त्यांचे उत्स्फूर्त स्वागत करण्यात आले. त्यांच्या कॉर्नर बैठकांना उत्स्फूर्त प्रतिसाद मिळाला यावेळी मतदारांनी विजयसिंह पंडित यांना विजयी करण्याचा निर्धार बोलून दाखवला.
