बीड आज देशभरामध्ये दिवाळीची धामधूम असून आज महालक्ष्मी पूजन आहे , संध्याकाळी साडे पाच ते साडेआठ असा मुहूर्त लक्ष्मीपूजनासाठी दिलेला आहे .लक्ष्मीपूजनाची तयारी चालू असतानाच सहा वाजता बीड शहरातून वीज गायब झाली असून यामुळे पूजनात अडथळा निर्माण झाला आहे.
प्रकाशाचा सण म्हणून ओळखल्या जाणाऱ्या दीपावलीच्या सायंकाळी सर्वत्र दिवे लावून प्रकाश निर्माण करायचा असतो ,मात्र आज ऐनवेळेस लाईट गेल्यामुळे बीडकरांमध्ये प्रचंड चीड निर्माण झाली आहे .आधीच लक्ष्मीपूजनाचा मुहूर्त कोणता यावर गेल्या अनेक दिवस वाद विवाद होत होते, काहींनी काल लक्ष्मीपूजन केले ते बहुतांश लोक आज लक्ष्मीपूजन करणार आहेत. विशेष म्हणजे काहींनी दिवे लागण्याच्या आधीच आज लक्ष्मीपूजन केले तर आता साडेआठ पर्यंत मुहूर्त असल्याने लक्ष्मीपूजनाची तयारी करत होये, ही तयारी चालू असतानाच लाईट गेल्यामुळे लोकांचा विरस झाला आहे .जास्तीच्या दबावामुळे कुठलीतरी तार तुटली असून ती लवकरात लवकर जोडून वीज पुरवठा सुरळीत करणार असल्याचे सांगण्यात आले आहे. मुहूर्ताच्या आधी जर लाईट आली नाही तर लोकांना तेलाच्या दिव्यात आणि मेणबत्तीच्या प्रकाशात लक्ष्मीपूजन करावे लागणार आहे.
