गेवराई विधानसभा मतदारसंघातून विजयसिंह शिवाजीराव पंडित यांना अजित पवारांच्या राष्ट्रवादी काँग्रेस कडून उमेदवारी जाहीर करण्यात आली आहे, विजयसिंहांनी अपक्ष म्हणून निवडणूक लढवावी असा त्यांच्या समर्थकांचा आग्रह होता मात्र आता त्यांना हातात घड्याळ बांधावे लागणार आहे.
महायुतीत गेवराई मतदार संघ हा भाजपाच्या ताब्यात होता मात्र विद्यमान आमदार लक्ष्मणराव पवार यांनी भाजपचा राजीनामा देऊन निवडणूक न लढवण्याची घोषणा केलेली आहे. या पार्श्वभूमीवर भाजप हा मतदार संघ राष्ट्रवादी काँग्रेसला सोडतो की नाही? असा प्रश्न निर्माण झाला होता मात्र आज राष्ट्रवादी काँग्रेसने विजयसिंह पंडितांच्या उमेदवारीची घोषणा करून हा प्रश्न निकालात काढला आहे. आता पुन्हा दोन पंडितांमध्ये म्हणजेच विजयसिंह पंडित आणि बदामराव पंडित हे दोन पंडित निवडणुकीचा रिंगणात असतील तर तिसरा उमेदवार कोण येतो याकडेही राज्याचे लक्ष लागले आहे.
