नवी दिल्ली- दिल्लीच्या लाल किल्ल्याजवळील स्फोटातील सर्व धागेदोरे तपास यंत्रणा शोधून काढत आहे. त्यात उत्तर प्रदेशची राजधानी लखनौ येथे तपास यंत्रणेने डॉ. परवेज आणि डॉ. शाहीन यांच्या घरावर धाड टाकली. हे दोघेही भाऊ बहीण आहेत. त्यांच्या वडिलांचे नाव सईद अंसारी आहे. त्यांनी आपली मुले दहशतवादी कारवायात सहभागी आहेत हे आरोप फेटाळले आहेत.
डॉ. शाहीनच्या वडिलांचे विधान समोर आले आहे. ते म्हणतात की, मला ३ मुले आहेत. मोठा मुलगा शोएब तो माझ्यासोबत राहतो. दुसरी शाहीन, ज्याचा उल्लेख सगळे करतायेत, मला विश्वास बसत नाही, ती या चुकीच्या कारवायांमध्ये सहभागी असेल. मी एक महिन्यापूर्वीच शाहीनशी बोललो होतो. परवेजसोबतही याच आठवड्यात बोलणे झाले होते असं त्यांनी सांगितले. दिल्लीच्या लाल किल्ल्याजवळ सोमवारी भीषण स्फोट घडला आणि त्याआधी फरीदाबाद येथून मोठ्या प्रमाणात स्फोटके जप्त करण्यात आली त्यामुळे देशभरात सुरक्षा यंत्रणा अलर्टवर आहेत. मंगळवारी उत्तर प्रदेश एटीएस आणि जम्मू काश्मीर पोलिसांच्या संयुक्त टीमने लखनौ येथील इंटीग्रल यूनिवर्सिटीशी निगडीत डॉक्टर परवेज अंसारी याच्या घरावर धाड टाकली होती.
माहितीनुसार, डॉ. परवेजचा संबंध फरीदाबाद दहशतवादी मॉड्यूलशी जोडलेली डॉ. शाहीन शाहीद आणि डॉ. मुझम्मिल अहमदशी आहे. डॉ. शाहीन आणि डॉ. परवेज हे दोघे भाऊ बहीण असल्याचं समोर आल्यानंतर तपासात ट्विस्ट आला. एटीएस आणि जम्मू काश्मीर पोलिसांच्या टीमने सकाळी ७ वाजता मुत्तकीपूर परिसरात डॉ. परवेजचे घर गाठले. या घराभोवती कडेकोट सुरक्षेचा घेराव करत टीमने आत प्रवेश केला आणि शोध चालू ठेवला. यावेळी स्थानिक टीमही तिथे हजर होती. या कारवाईवेळी डॉ. परवेज घरात नव्हता. टीमने घरातील इतर सदस्यांशी चौकशी केली, त्यात महत्त्वाचे कागदपत्रे आणि इलेक्ट्रॉनिक पुरावे हाती लागले.
एटीएसने घराबाहेर असलेली सफेद रंगाची अल्टो कार आणि आतून स्प्लेंडर बाइक जप्त केली. कारच्या काचेवर इंटिग्रल यूनिवर्सिटीचा गेट पास होता. घरातून काही अन्य उपकरणे, मोबाईल फोन, लॅपटॉप सापडले. तपास करणाऱ्या पथकाने आसपासही चौकशी केली, तेव्हा डॉ. परवेज जास्त मिळून मिसळून नव्हते, ते घरातही कमी वेळा असायचे असं सांगितले. एटीएसने परिसरातील सीसीटीव्ही फुटेज तपासले त्यात काही संशयास्पद आढळले नाही. डॉ. परवेज प्रोफेसर म्हणून काम करत होते की अन्य काही त्यांची भूमिका होती याचा तपास सुरू आहे.
हे संपूर्ण प्रकरण फरीदाबादमध्ये उघडकीस आलेल्या दहशतवादी मॉड्यूलशी जोडलेले असल्याचे म्हटले जाते. ३० ऑक्टोबर रोजी स्पेशल टास्क फोर्स (एसटीएफ) ने फरीदाबादमधील अल-फलाह विद्यापीठातील एमबीबीएस विद्यार्थी डॉ. मुझम्मिल अहमदला अटक केली. त्याच्या भाड्याच्या घरातून मोठ्या प्रमाणात स्फोटके, एके-४७ रायफल आणि अनेक मासिके जप्त करण्यात आली. चौकशीदरम्यान मुझम्मिलने त्याची मैत्रीण डॉ. शाहीन शाहिद हिचे नाव सांगितले, जिला नंतर अटक करण्यात आली. शाहीनच्या गाडीच्या ट्रंकमधून शस्त्रे जप्त करण्यात आली. शाहीनचे लखनऊशी जुने संबंध होते. तिचे आजी-आजोबा लालबाग परिसरात राहत होते. याच तपासात डॉ. परवेजचं नाव समोर आले, जो कथितपणे या नेटवर्कच्या संपर्कात होता.
कोण आहे डॉ. शाहीन?
डॉ. शाहीन हिच्याबद्दलही मोठे दावे केले जात आहेत. डॉ. शाहीन ही दहशतवादी संघटना जैश-ए-मोहम्मदच्या महिला विंगची प्रमुख असल्याचा दावा केला जात आहे. शाहीनची लोकसेवा आयोगामार्फत निवड झाली आणि ती कानपूरमधील गणेश शंकर विद्यार्थी वैद्यकीय महाविद्यालयात सहाय्यक प्राध्यापक झाली. त्यानंतर २०१३ मध्ये ती कोणालाही न कळवता महाविद्यालयातून गायब झाली. डॉ. शाहीनचे लग्न जफर हयात नावाच्या व्यक्तीशी झाले होते. २०१५ मध्ये शाहीनचा घटस्फोट झाला. २०२१ मध्ये संस्थेने डॉ. शाहीनला काढून टाकले. तीदेखील सध्या फरीदाबादमधील अल फलाह विद्यापीठाशी संबंधित होती.
लाल किल्ल्याजवळ सोमवारी संध्याकाळी एका कार बॉम्ब स्फोटात ८-९ अधिक लोक ठार आणि १९-२० जण जखमी झाले.
या स्फोटात वापरलेल्या गाडीचा मालक आणि ज्या व्यक्तीने गाडी चालवली अशी शंका असलेला डॉ. उमर आहे, ज्यानेआत्मघातकी हल्ला केला असावा असा संशय आहे.
सीसीटीव्ही फुटेजनुसार, गाडी दुपारी ३:१९ वाजता पार्किंगमध्ये दाखल झाली होती आणि स्फोटापूर्वी ६:४८ वाजता हालविण्यात आली होती
दिल्लीतील ऐतिहासिक लाल किल्ल्याजवळ सोमवारी संध्याकाळी भीषण स्फोट झाले. यात ९ लोक ठार झाले तर अनेकजण जखमी झाले. या स्फोटामुळे देशभरात महत्त्वाच्या ठिकाणी हाय अलर्ट जारी करण्यात आहे.
स्फोटामागे एक नाही तर चार डॉक्टरांचा हात असल्याचे समोर आले आहे. यापैकी तीन डॉक्टरांना आधीच अटक करण्यात आली होती आणि चौथा डॉक्टर,जो फरार असल्याचे वृत्त होते मात्र त्याने अटक होण्यापूर्वीच आत्मघातकी हल्ला केल्याचा संशय आहे.
सीसीटीव्ही फुटेजमध्ये दिसणारा आणि आत्मघातकी हल्ल्यातील संशयित म्हणून ओळखला जाणारा स्फोटात वापरण्यात आलेला आय२० कारचा चालक डॉ. मोहम्मद उमर असल्याचे वृत्त आहे, जो अटकेच्या भीतीने फरार झाला होता. डॉ. उमर फरिदाबादमधील अल फलाह मेडिकल कॉलेजमध्ये होता.
डॉ. मोहम्मद उमरने स्फोट घडवला
सोमवारी संध्याकाळी लाल किल्ल्याजवळील चांदणी चौक परिसरात झालेल्या कार बॉम्बस्फोटातील संशयित डॉ. मोहम्मद उमर हा फरिदाबाद दहशतवादी मॉड्यूलमधील फरार आरोपी असल्याचे सांगितले जात आहे. सूत्रांनी दिलेल्या माहितीनुसार, तो स्फोटात वापरलेली आय-२० कार चालवत होता आणि अटकेच्या भीतीने त्याने घाईघाईने दोन साथीदारांसह स्फोटाची योजना आखली आणि संध्याकाळपर्यंत ती अंमलात आणली असा संशय आहे.
रिपोर्ट्सवरून असे दिसून येते की उमरने कारमध्ये स्फोटके आणि डेटोनेटर ठेवले होते. तपासात असेही दिसून आले आहे की फरीदाबादमधून मोठ्या प्रमाणात जप्त केलेले अमोनियम नायट्रेट या मोठ्या स्फोटासाठी इंधन तेलासह वापरले गेले होते. स्फोटाचे ठिकाण आणि वेळ जास्तीत जास्त जीवितहानी होण्यासाठी निवडण्यात आले. वृत्तांनुसार, सोमवारी संध्याकाळी ६:५२ दरम्यान स्फोटाच्याआधी डॉ. उमर उपस्थित होते हे सीसीटीव्ही फुटेजवरून सिद्ध होते.
पार्किंग लॉटमध्ये कार तीन तास पार्क
सीसीटीव्ही फुटेजवरून असेही दिसून येते की हल्ल्यात वापरलेली कार घटनेच्या तीन तास आधी जवळच्या सुनेहरी मशिदीजवळ पार्क केली होती. कार त्या पार्किंग लॉटमध्ये दुपारी ३:१९ वाजता पार्क केली होती आणि स्फोटाच्या फक्त चार मिनिटे आधी, ६:४८ वाजता काढून हलविण्यात आली.
सुरुवातीला ड्रायव्हरचा (डॉ. उमर) चेहरा स्पष्ट दिसत होता, परंतु पुढे गेल्यानंतर त्याने मास्क लावला होता. दिल्ली पोलिसांचे म्हणणे आहे की स्फोटादरम्यान संशयित कारमध्ये एकटाच होता. आधीच्या अहवालांनुसार त्याच्यासोबत गाडीत आणखी दोन जण होते. हरियाणा राज्यात नोंदणी क्रमांक असलेली गाडी बदरपूर सीमेवरून दिल्लीत दाखल झाली.
शकीलच्या अटकेमुळे उमर घाबरला
सूत्रांनुसार, डॉ. उमरला डॉ. मुझम्मिल शकीलच्या अटकेची माहिती मिळताच तो घाबरला असावा, ज्यामुळे त्याने घाईघाईने आत्मघातकी हल्ला केला असावा. हरियाणा आणि काश्मीर पोलिसांनी संयुक्त कारवाईत या डॉक्टरकडून २,९०० किलो आयईडी बनवण्याचे साहित्य जप्त केले होते. शकील हा फरिदाबादमधील अल फलाह विद्यापीठात प्राध्यापक आहे.
डॉ. आदिल राथेर आणि डॉ. शाहीनलाही अटक
पोलिसांनी आतापर्यंत फरिदाबाद दहशतवादी मॉड्यूलमधील एकूण आठ जणांना अटक केली आहे, त्यापैकी सात जण काश्मीरचे आहेत. डॉ. मुझम्मिल शकील उर्फ मुसैब हा पुलवामा येथील कोइलचा रहिवासी आहे. या प्रकरणात अटक केलेला दुसरा डॉक्टर आदिल राथेर हा कुलगामच्या वालपोरा भागातील रहिवासी आहे आणि तो अनंतनाग येथील सरकारी वैद्यकीय महाविद्यालयात कार्यरत होता. तो मोहम्मद उमरच्या खूप जवळचा असल्याचे सांगितले जाते.
प्रश्न: या स्फोटामागे डॉक्टरांचा हात आहे का?
उत्तर: हो, पोलिस तपासानुसार चार डॉक्टर यांच्या सहभागाची शक्यता आहे, ज्यांपैकी काहींना अटक झाली आहे.
प्रश्न: स्फोट करणारी गाडी कोणती होती?
उत्तर: ती एक सफेद रंगाची Hyundai i20 कार होती, जी स्फोटाच्या वेळी किंवा त्या आधी त्या ठिकाणी होती.
प्रश्न: स्फोटावेळी त्या गाडीत केवळ एकच चालक होता का?
उत्तर: हो, सीसीटीव्ही तपासानुसार त्या स्फोटाच्या वेळी गाडीमध्ये एकच व्यक्ती होता.
प्रश्न: या प्रकरणात किती स्फोटक साहित्य जप्त झाले आहे?
उत्तर: अंदाजे २,९०० किलो स्फोटक साहित्य जप्त झाल्याचे तपासात समोर आले आहे
प्रश्न: हा स्फोट आतंकवादी हल्ला म्हणून पाहिला जात आहे का?
उत्तर: हो, प्रकरण आतंकी हल्ला म्हणून पाहण्यात येत आहे आणि UAPA अंतर्गत तपास सुरू आहे.
प्रश्न: ज्या डॉक्टरने गाडी चालवली होता, तो सापडला आहे का?
उत्तर: तो डॉक्टर उमर मोहम्मद फरार आहे किंवा मृत असल्याची शक्यता व्यक्त केली जात आहे; त्याचा मृत्यू झाला की नाही हे तपास सुरू आहे
