हक्कावर गदा येत असेल तर टक्कर द्यावीच लागेल-भुजबळ

बीड(प्रतिनिधी) ‘आपल्या हक्कावर गदा येत असेल तर टक्कर देणं गरजेचं आहे’, अशा शब्दांत ओबीसी नेते छगन भुजबळ यांनी यांनी घणाघात केला. ते म्हणाले, “आपल्या ओबीसीच्या एल्गार मेळाव्यासाठी संपूर्ण महाराष्ट्रातून लोक आलेले आहेत. वेगवेगळ्या समाजाचे लोक आलेले आहेत. आपल्याकडे केवळ एकच समाज नाहीये. ते दारू आणि वाळू चोरांचे सरदार, त्यांच्याकडे एकच समाज आहे. पण आपल्याकडे 374 जाती आणि समाज आहेत. यांची नावं घेतली तरी अर्धा तास जाईल आणि यांना जर बोलायला वेळ दिला तर येथेच रात्र होईल”,

बीड येथे आयोजित विराट ओबीसी एल्गार मेळाव्यात बोलताना छगन भुजबळ म्हणाले की , “आता अनेक लोक म्हणतात की आम्हाला बोलायला दिलं नाही. काही म्हणतात की आमचा फोटो बॅनरवर लावला नाही, आम्हाला मेळाव्याला बोलावलं नाही. मला त्या सर्वांना सांगायचं आहे की, अधिकार के लढाई मे निमंत्रण नहीं भेजे जाते. जिनका जमीर जिंदा है ओ खुद समर्थन में आ जाते है…”, अशी शेरो शायरी करत ‘आपल्या हक्कावर गदा आल्यावर टक्कर देणं गरजेचं आहे’, असं म्हणत छगन भुजबळ यांनी ओबीसी मेळाव्यातून सूचक इशारा दिला .”आपल्या मेळाव्यात काही लोक घुसवली असण्याची शक्यता आहे. मी असंही ऐकलं आहे की काही जण सुतळी बॉम्ब घेऊन आलेले आहेत, ते काहीतरी गडबड करतील, पण त्यांना तिथेच दाबायचं आणि पोलिसांच्या हवाली करायचं. तुम्ही कोणीही इकडे तिकडे पाहायचं नाही. शांततेने आपले नेते लोक काय सांगतात ते ऐकायचं.

धनंजय मुंडे–

या मेळाव्यामध्ये आ.धनंजय मुंडे यांनी जोरदार भाषण केलं. आपला विरोध मराठा समाजाला नाही तर एका व्यक्तीला आणि एका प्रवृत्तीला आहे, असं म्हणत त्यांनी मनोज जरांगेंचं नाव न घेता टीकास्र सोडलं.धनंजय मुंडे म्हणाले की, आज मी इथे उभाय तो माझ्या ओबीसींच्या आरक्षणाच्या संरक्षणासाठी. मला कोणत्याही समाजाला विरोध करायचा नाही. भुजबळ साहेब आमचे मार्गदर्शक आहेत. त्यांनी एक खंत व्यक्त केलीय. परंतु स्व. मुंडे साहेब आज हयात असते तर ही वेळ आली नसती. त्यांची बरोबरी कोणी करु शकत नाही.”‘दोन वर्षांपासून केवळ एका व्यक्तीने, एका प्रवृत्तीने ओबीसी-एससी,एसटी आणि मराठा समाजामध्ये अंतर पाडलं. ते अंतर कुठून पडलं? मराठा समाजाला हात जोडून विनंती आहे की, हा माणूस तुमच्याशी दगाफटका करतोय. मराठा समाजाचा खरा फायदा हा ओबीसीत येऊन नाही तर ईडब्ल्यूएसमध्ये आहे. मूठभर लोकांना राजकारणात आरक्षण घ्यायचं आहे, त्यामुळे ओबीसीत येण्याचा घाट घातला जातोय.” असा आरोप धनंजय मुंडे यांनी केला आणि पुन्हा एकदा एमपीएससीचा कटऑफ सांगितला.

चष्म्यावरुन प्रत्युत्तर…

मनोज जरांगे यांचं नाव न घेता धनंजय मुंडे म्हणाले, मला तर कधीपासून पाडीतोय म्हणतोय.. भुजबळ साहेबांनाही पाडीतोच म्हणतोय. अरे मी 1लाख 42 हजारांच्या मताने निवडून आलोय. आज ओबीसीचं आरक्षण कुणी हिसकावून घेऊ नये, त्यासाठी हा न्याय्य लढा आहे. या व्यक्तीने माणसात माणूस ठेवला नाही. कशाला त्या बिनडोकाच्या नादी लागता.”‘आमचं तर सारं घरदार काढलं.. इंग्रजांपर्यंत काढलं. माझा तर डोळा काढला. माझा डोळा शाबूत आहे, ऑपरेशननंतर फडफडतो. अजून फडफडू नये म्हणून चष्मा घातलाय. माझ्या चष्म्याचीही अडचण आहे. तो म्हणतो परळीचा चष्म्यावाला.. आवडला तर घेऊन जा, पण वपून दिसेल की नाही मला माहिती नाही. वपून म्हणजे कळालं ना? आपली ही भाषा आहे. त्यामुळे आपणच लई वाचाळ आहोत, असं समजाचयं कारण नाही.” असं म्हणत धनंजय मुंडे यांनी कुणाला घाबरायचं नाही, कुणी अंगावर आलं तर शिंगावर घ्यायचं, असं आवाहन उपस्थितांना केलं “मला तर कधीपासून पाडीतच म्हणतो. भुजबळ साहेबांनाही म्हणतो, पाडीतोच… पण मी विक्रमी मतांनी निवडून आलो आहे असं मुंडे म्हणाले.

ओबीसींच्या आरक्षणाच्या संरक्षणासाठी उभा – मुंडे

धनंजय मुंडे म्हणाले की, ‘दोन अडीच महिने गप्पच होतो. मला तर बोलू द्या. आज या मी इथे उभा आहे. मी कुणाला विरोध करण्यासाठी आहे. मी इथे ओबीसींच्या आरक्षणाच्या संरक्षणासाठी उभा आहे. आमचे मार्गदर्शक, नेते भुजबळ साहेब आहेत. तुम्ही खंत व्यक्त केली की आज मुंडे साहेब असते तर ही वेळ आली नसती. मुंडे साहेबांची बरोबरी कोणी करू शकत नाही. ओबीसी हक्कांसाठी तुम्ही हयात घातली. आज कार्यकर्ते म्हणून आम्ही इथे आहोत. मला विचारलं तुम्ही बीडच्या सभेला येणार का. मी म्हटलं का बरं. म्हटलं, मी तर येणारच आहे.

जरांगे पाटलांवर टीका–

पुढे बोलताना घनंजय मुंडे म्हणाले की, ‘आजपर्यंत हा गावगाडा सर्व जाती धर्म अठरा पगड जातीचे सर्व एकत्र नांदत होते. दोन वर्षापासून एका व्यक्तीने एका प्रवृत्तीने मी समाज म्हणत नाही, ओबीसी एससी एसटी आणि मराठा समाजात अंतर पाडलं. हे अंतर कुठून पडलं. आज माझा मराठा समाजाला नम्र हात जोडून विनंती आहे, हे अंतर फक्त दोन समाजात अंतर पडलेले नाही. तर तुमच्याशीही तो दगाफटका करत आहे. उदाहरणासह सांगतो. 13 कोटी जनतेसमोर यावं. खरा फायदा मराठ्यांचा ओबीसीत नाही. त्यांचा फायदा ईडब्ल्यूसीमध्ये आहे.

मला तर कधीपासून पाडीतच म्हणतो…

ओबीसीत का यायचं आहे तर मूठभर लोकांना सरपंचापासून राज्याच्या नेतृत्वापर्यंत जायचं आहे. यांना पेटवायचं आहे. पेटवून पेटवून काय म्हणतो. कधी कधी माणूस असण्याची, जिवंत असण्याची हे ऐकून कसं सहन करावं याची मनाला भीती वाटते. मुख्यमंत्र्यांची आयमाय काढली. भुजबळ साहेबांचं आणि माझं काहीच सोडलं नाही. मला तर कधीपासून पाडीतच म्हणतो. भुजबळ साहेबांनाही म्हणतो, पाडीतोच. अरे 1 लाख 42 हजार मतांनी आलो. पाडितो पाडितो म्हणतो. हे बोलणार नव्हतो. आज आपल्या ओबीसींचं आरक्षण न्याय हक्कासाठी हा एल्गार मोर्चा आहे. आपल्या हक्काचं आरक्षण कुणाला देऊ द्यायचं नाही.

याला जीआर तरी कळतो का?

किती डोकेबाज माणूस समजायचं. दसरा संपल्यावर म्हणतो धनगरांचं 94 चं आरक्षण काढा. याला जीआर तरी कळतो का. वंजाऱ्याचंही आरक्षण काढतो. काय काढा. द्यायचं सांगा. काहीही बोलून जमणार नाही. काही दिवस माणसं येडे करताल. पण खऱ्याला खरं आज ना उद्या कळणार आहे. आपल्याला गावगाडा सांभाळायचा आहे. आपल्याला कुणाचा द्वेष करायचा नाही. आपला संताप एक व्यक्ती आणि एका प्रवृत्तीला आहे. बाकी कुणाला नाही.

आ.गोपीचंद पडळकर–

आज आपल्या अधिकारांवर, हक्कांवर गदा येत आहे. दोन वर्षापूर्वी बोलायची हिंमत होत न्हवती मात्र छगन भुजबळ यांनी आज सिंहाची डरकाळी फोडली आहे. त्‍यांच्या पाठिशी राहून आम्ही आमचा हक्क मिळवल्याशिवाय राहणार नाही असा यल्गार आमदार गोपिचंद पडळकर यांनी केला.,पुढे बोलताना पडळकर म्हणाले. मी पश्चिम महाराष्ट्रातून आलोय, क्रांतिसिंह नाना पाटील लोकसभेत हरले मात्र या भूमीने त्यांना लोकसभेत पाठवले होते याचा मला अभिमान आहे. ओबीसी हक्कासाठी दुसरी सभा बीडमध्ये होत आहे.आज सर्वांनी भुजबळ यांच्या पाठीमागे राहण्याची गरज आहे. आणि आमच सगळ्यांचं ठरलं आमचा नेता एकच आहे छगन भुजबळ. आणि त्‍यांच्या पाठिशी आम्ही सर्वजण एकजूटीने उभे राहू. छगन भुजबळ ठरवतील ती दिशा सर्वांना मान्य राहील.

प्रत्येकवेळी आपल्याकडे बाण येईल असे नाही ,कधी कधी अर्जुनाकडे बाण द्यावा लागतो.आता इथे भुजबळ साहेब अर्जुन आहेत आम्ही कार्यकर्ते. आमच्यात फूट पाडण्यासाठी धनगराना एस टी आरक्षण दाखवले आहे पण धनगर वेडे नाहीत. – धनगर रस्त्यावर आणि न्यायालयात लढाई लढूच पण ओबीसी आरक्षणाची लढाई लढण्याची देखील तयारी धनगरांची आहे. अशा शब्द पडळकरांनी दिला.
लक्ष्मण हाकेंच्या गाडीवर दगडफेक करणार म्हणतो बंजारा समाजाला आरक्षण द्या. आमच्या बरोबर बसायला कमी पण वाटत नाही का? गरीब मराठा समाजाच्या विरोधात आम्ही नाही.आम्ही वेगळ्या आरक्षणाचे समर्थन करतो. चार दिवसापूर्वी धर्माचा विषय होता म्हणून बीडमध्ये आलो होतो, आज जातीचा विषय आहे,ओबीसींचा विषय आहे म्हणून आलोय ,पुढेही येणार असाही निर्धार त्यांनी व्यक्त केला .ते म्हणाले शासनाच्या जीआर ची चिंता करू नका, अजून कुणाला सर्टिफिकेट मिळाले नाही.पुढेही मिळणार नाही. जो कुणी खोटा दाखला कुंनबीचा देईल त्याला जेलमध्ये टाका. पूर्वी खोट्या कागदपत्रांवर कुणबी प्रमाणपत्र बनविले आहे. नाशिक पुणे येथे खोट्या प्रमाणपत्रावर अनेकजण नगरसेवक आहेत. 17 जिल्ह्यात 5 कोटी मराठे म्हणता कुठले कॅलक्युलेटर आहे. जेव्हा जात निहाय जनगणना होईल तेव्हा तुमचा बाजार उठेल. असा इशराही पडळकर यांनी शेवटी दिला.

.