बीड (प्रतिनिधी) आ.गोपीचंद पडळकर हे मंगळवारी बीडला येऊन गेले,त्यांनी हिंदू जागरण समितीच्या व्यासपीठावरून इशारा देताच बीडच्या जिल्हा कारागृहामध्ये बळजबरीने कायद्यांचे धर्मांतरण करण्याच्या आरोपावरून वादात सापडलेले कारागृह अधीक्षक पेट्रेस गायकवाड यांची उचलबांगडी झाली आहे.गायकवाडची थेट नागपूरला बदली करण्यात आली आहे.
बीडच्या जिल्हा कारागृहामध्ये जे बंदीवान कैदी आहेत त्यांच्यावर बळजबरीने धर्मांतरण करण्यासाठी कारागृह अधीक्षक पेट्रस गायकवाड हे बळजबरी करतात ,त्यांना जाणीवपूर्वक मारहाण करणे ,अन्नपाणी न देणे अशा प्रकारे त्रास दिला जातो असा आरोप एका कैद्याच्या वकिलाने आणि त्याआधी भाजपचे आमदार गोपीचंद पडळकर यांनी केला होता, या आरोपाने महाराष्ट्रात एकच खळबळ उडाली होती. याआधी जळगाव येथील एका बंदीवान कैद्याच्या खून प्रकरणात वादात अडकलेले गायकवाड हे बीडमध्ये आल्यानंतर पुन्हा वादग्रस्त ठरले .अखेर त्यांची बीड येथून उचल बांगडी करण्यात आले असून त्यांना नागपूर येथे उपाधीक्षक म्हणून पाठवण्यात आले आहे.
