बीड(प्रतिनिधी) बीड जिल्ह्यात दिवाळीसाठी विविध मार्गावर विशेष बस सेवा सुरू करण्यात येणार आहेत, यात बीड- पुणे, जळगाव-मलकापूर, छत्रपती संभाजीनगर- अंबाजोगाई, लातूर, धुळे ,नांदेड या मार्गावर नवीन फेऱ्या सुरू होणार आहेत. तसेच बीड- परभणी, लातूर- कोल्हापूर, जालना- अंबाजोगाई ,पुणे-परळी ,माजलगाव- परभणी, लातूर -गेवराई या मार्गावरील बस फेऱ्याच्या संख्येत वाढ केली जाणार आहे .
असे असतील तिकिटाचे दर..
बीड ते पुणे प्रवासासाठी साध्या बसचे तिकीट ४४३ रुपये असणार असून ईबस अर्थात शिवाई बससाठी तिकिटाचा दर हा ६६७ रुपये असणार आहे, बीड ते मुंबई स्लीपर बस साठी तिकीट १०१९ इतके असेल तर बीड ते कोल्हापूर साधी बस चा तिकीट दर ६५४ तर स्लीपर बसचा तिकीट दर ८८८ रुपये असा असेल, अंबाजोगाई ते पुणे साध्या बसचे तिकीट ५७५ रुपये असे आहे .
बीड ते पुणे या मार्गावर तासाला १२ बस ,बीड सोलापूर मार्गावर दिवसाला आठ फेऱ्या, अंबाजोगाई संभाजीनगर मार्गावर दिवसाला पाच फेऱ्या ,बीड ते सिडको, बीड ते माजलगाव आणि परळी ते बीड दोन्ही बाजूने प्रत्येक तासाला बसची सोय करण्यात आली आहे. यासाठी जिल्ह्यातील विविध आगारांकडून नियोजन करण्यात आले आहे.
दिवाळीत फिरण्याची मेजवानी.
एसटी महामंडाळाकडून प्रवाशांसाठी खास ऑफर.
अवघ्या काही दिवसांवर दिवाळी येऊन ठेपली आहे. सर्वत्र दिवाळीची लगबग सुरू आहे. दिवाळीच्या सुट्टीत सण साजरा केल्यानंतर काही जण फिरायला जातात. काही जण पर्यटनस्थळ गाठतात. पण प्रायव्हेट कंपनीच्या वाहनातून प्रवास करताना खर्च फार होतो. जर आपल्याला तीर्थस्थळे, पर्यटनस्थळे, आणि इतर प्रेक्षणीय स्थळे कमी पैशात पहायचे असतील तर, एसटीतूनही आपण प्रवास करू शकता.
दिवाळीच्या सुट्टीत प्रवाशांना मनसोक्त फिरण्यासाठी एसटी महामंडळाने पर्यटनासाठी मोठी संधी उपलब्ध केली आहे. एसटी महामंडळाने एसटीच्या भाडेदरात कपात केली आहे. किमान २२५ ते कमाल १ हजार २५४ रूपयांपर्यंत मोठी कपात केली आहे. एसटी महामंडळाला राज्य परिवहन प्राधिकरणाने ३० टक्क्यांपर्यंत भाडेवाढ करण्याची मुभा दिली होती. जानेवारी महिन्यात १५ टक्के भाडेवाढ करण्यात आले होते.
सलमानला पोलिसांनी सिनेस्टाईल पकडलं; पनवेलमध्ये गुन्हा करून फरार, आरोपीचे कल्याणमध्ये मुसक्या आवळल्या
दरम्यान, दिवाळी सुट्ट्यांच्या कालावधीसाठी १० टक्के हंगामी भाडेवाढ करण्याचाही निर्णय महामंडळातर्फे घेण्यात आला होता. मात्र, राज्यातील पुरस्थिती लक्षात घेता महामंडळाने हंगामी दरवाढ रद्द केलीय. आवडेल तेथे प्रवास या योजनेअंतर्गत प्रवाशांना कमी दरात फिरता येणार आहे.
प्रौढ तसेच लहान मुलांसाठी ४ आणि ७ दिवस अशा स्वरूपात पास मिळेल. महामंडळातील एसटी रातराणी, शिवशाही, ई- शिवाई, शिवनेरी अशा बसेसमध्ये या योजनेतून मिळणारे पास ग्राह्य धरले जाईल. या पासद्वारे प्रवाशांना अमर्यादित प्रवास करता येईल.
आवडेल तेथे प्रवास या योजनेअंतर्गत भाडेदर
साधी बस
४ दिवस (प्रौढ) – जुने दर (१,८१४), नवे दर (१,३६४).
४ दिवस (मुले) – जुने दर (९१०), नवे दर (६८५).
७ दिवस (प्रौढ) – जुने दर (३,१७१), नवे दर (२,३८२).
७ दिवस (मुले) – जुने दर (१,५८८), नवे दर (१,१९४).
शिवशाही
४ दिवस (प्रौढ) – जुने दर (२,५३३), नवे दर (१,८१८).
४ दिवस (मुले) – जुने दर (१,२६१), नवे दर (९११).
७ दिवस (प्रौढ) – जुने दर (४,४२९), नवे दर (३,१७५).
७ दिवस (मुले) – जुने दर (२,२१७), नवे दर (१,५९०).
ई- शिवाई
४ दिवस (प्रौढ) – जुने दर (२,८६१), नवे दर (२,०७२).
४ दिवस (मुले) – जुने दर (१,४३८), नवे दर (१,०३८).
७ दिवस (प्रौढ) – जुने दर (५,००३), नवे दर (३,६१९).
४ दिवस (मुले) – जुने दर (२,५०४), नवे दर (१,८१२).
