मुंबई (प्रतिनिधी) भारतीय जनता पक्षाच्या कार्यकारी अध्यक्षपदी माजी मंत्री तथा विद्यमान आमदार रवींद्र चव्हाण यांची नियुक्ती भाजपाचे राष्ट्रीय अध्यक्ष जगतप्रकाश नड्डा यांनी जाहीर केली आहे .शिर्डी येथे भारतीय जनता पक्षाचे प्रदेश अधिवेशन होणार असून त्या पार्श्वभूमीवर आमदार रवींद्र चव्हाण यांची नियुक्ती म्हणजे पुढेही तेच भाजपाच्या महाराष्ट्र प्रदेशाध्यक्षपदी असतील असे संकेत आहेत.
नुकत्याच झालेल्या निवडणुकीत भारतीय जनता पक्षाने महाराष्ट्रात शिवसेना (शिंदे )आणि राष्ट्रवादी (अजित पवार) यांच्यासोबत निर्विवाद यश मिळवले आहे. भाजपाच्या आणि महायुतीच्या या यशामध्ये आमदार रवींद्र चव्हाण यांचे संघटन कौशल्य आणि निवडणूक रणनीती महत्त्वाची ठरली असल्याचे बोलले जात आहे. म्हणूनच महाराष्ट्राच्या मुख्यमंत्रीपदासाठी सुद्धा त्यांची चर्चा माध्यमांमध्ये होत होती .या पार्श्वभूमीवर संघटन कौशल्य असणारे आणि मूळ भारतीय जनता पक्षाच्या तत्त्वांनी जोडलेले आमदार रवींद्र चव्हाण हे प्रदेशाध्यक्ष झाल्यामुळे आगामी काळात भाजप अधिक चांगली कामगिरी करेल असा विश्वास कार्यकर्ते बोलून दाखवत आहे.
