बीड (प्रतिनिधी): बीड मतदार संघाला विकासाच्या उंचीवर घेऊन जाण्याची संधी आपल्याला असून यापूर्वी तुम्ही दिलेल्या आशीर्वादामुळेच बीड मतदारसंघातील विकासाचे प्रलंबित प्रश्‍न आपल्याला मार्गी लावायचे आहेत. बरीच विकासकामे पुर्णत्वास नेता आली आहेत असाच आशिर्वाद पाठीशी कायम ठेवून मला पुन्हा प्रचंड मतांनी विजयी करा मी आपल्या प्रत्येक मताचा आदर करीत मतदारसंघांला विकासाच्या मोठया उंचीवर नेऊन सर्वांगीण विकासासाठी कटिबध्द आहेे असे प्रतिपादन आ.संदीप क्षीरसागर यांनी केले आहे.
बीड मतदार संघाचे राष्ट्रवादी काँग्रेस (शरदचंद्र पवार) पक्ष व महाविकास आघाडी व मित्रपक्षाचे अधिकृत उमेदवार संदीप क्षीरसागर यांनी म्हटले की,आता आपण सर्वांनी आपला पक्का निर्धार करुन पुन्हा एकदा आपल्या सर्वांच्या विचारांची सत्ता आणण्यासाठी आपले मतदान वाया जाणार नाही, यासाठी तुतारी वाजवणारा माणूस या चिन्हासमोरील बटन दाबून विजयी करण्याचे करावे. विरोधक गेले अनेक दिवस अनेक आरोप करत आले आहेत, आता तर निवडणूक आहे, मतदारांची दिशाभूल करुन ते आरोप करत होते पण मतदारसंघातील सुजान मतदार बंधूच्या हक्काचा लोकप्रतिनिधी म्हणून मला ओळखता.त्यामुळे पुन्हा एकदा आपल्या सर्वांची सेवा करण्याची संधी द्यावी. आपला बीड जिल्हा आणि बीड मतदारसंघ कायम आदरणीय शरदचंद्र पवार यांच्या भूमिकेसोबत,विचारांसोबत राहिलेला आहे. संघर्षाच्या स्थितीतही आपण त्यांच्यासोबत कायम राहण्याची भूमिका घेतलेली आहे. म्हणूनच पवारांचे हात बळकट करण्यासाठी पक्षाचा व महाविकास आघाडीचा बीडचा अधिकृत उमेदवार म्हणून माझी उमेदवारी आहे म्हणून आज आपण अनुक्रमांक ३, तुतारी वाजवणारा माणूस या चिन्हासमोरील बटन दाबून मला पुन्हा प्रचंड मतांनी विजयी करावे असे आवाहन आ.संदीप क्षीरसागर यांनी केले.
