गेवराई दि. (प्रतिनिधी) संपूर्ण गेवराई मतदार संघात महायुतीचे उमेदवार विजयसिंह पंडित यांच्या प्रचाराचा झंजावात पाहायला मिळाला. विविध गावागावात ते मतदारांच्या बांधावर जाऊन त्यांच्याशी संवाद साधत आहेत प्रत्येक कॉर्नर बैठकीला अगदी जाहीर सभेचे स्वरूप निर्माण होत आहे. त्यांनी प्रचारात चांगलीच आघाडी घेतल्याने संपूर्ण मतदारसंघात घड्याळाचीच एकतर्फी हवा निर्माण झालेली आहे आणि विरोधकांची बत्ती गुल झाल्याचे चित्र निर्माण झाले आहे.
गेवराई विधानसभा मतदारसंघातील महायुतीचे उमेदवार विजयसिंह पंडित यांनी प्रचारात जोरदार मुसंडी मारली आहे त्यांनी तालुक्यातील खळेगाव, ब्रह्मगाव, माटेगाव, कुंभेजळगाव, रामनगर तांडा, भाट अंतरवली, राजपिंपरी, गौंडगाव, भोजगाव, देवपिंपरी, कोमलवाडी आदी गावातील मतदारांशी थेट संपर्क साधत त्यांच्याशी संवाद साधला यावेळी महायुती चे उमेदवार विजयसिंह पंडित म्हणाले की माझा धर्म फक्त आणि फक्त तालुक्याचा विकास हीच आहे. आम्हाला दादांनी सर्वसमावेशक विकासाचे राजकारण शिकविले आहे. या मातीतील माणसाच्या विकासाला आणि कल्याणासाठी मी माझे आयुष्य समर्पित केले आहे. इथल्या विकासाबरोबरच माणसांच्या सुख दुःखात मी कायम वाटेकरी राहिलेलो आहे. त्यामुळे या भागातून मला भरभरून मतदान रूपी आशीर्वाद मिळेल असा विश्वास असल्याचे शिवसेना-भाजप राष्ट्रवादी काँग्रेस रिपाई महायुतीचे उमेदवार विजयसिंह पंडित यांनी बैठकातून व्यक्त होताना सांगितले. मतदारसंघात आपला प्रत्येक कार्यकर्ता हा स्वतःची निवडणूक समजून लढत असल्याचा आपल्याला अभिमान वाटत आहे.
गावागावात आगमन होताच स्थानिक गावकऱ्यांनी मोठ्या जल्लोषात वाजत गाजत फटाके फोडून तर कोठे महिला भगिनींच्या हस्ते औक्षवंत करून विजयसिंह पंडित यांचे जल्लोषात स्वागत केले जात आहे गावात आगमन होताच विजयसिंह पंडित गावातील महापुरुषांच्या स्मारकांना अभिवादन करतात तर दर्ग्यांवर पुष्पमाला अर्पण करतात यावेळी महायुतीचे पदाधिकारी कार्यकर्ते ग्रामस्थ मतदार महिला भगिनी मोठ्या संख्येने उपस्थित राहिल्याचे चित्र सर्वत्र पहावयास मिळत आहे.
